നോട്ട് നിരോധനം അറിഞ്ഞില്ല: 65000 രൂപയുടെ പഴയ നോട്ടുകൾ മാറി നൽകാൻ അപേക്ഷയുമായി അന്ധനായ വയോധികൻ

ചെന്നൈ: നോട്ട് നിരോധനം അറിഞ്ഞില്ലെന്നും പഴയ നോട്ടുകൾ മാറ്റി നൽകമമെന്നും ആവശ്യപ്പെട്ട് അന്ധനായ വയോധികന്റെ അപേക്ഷ. കൃഷ്ണഗിരി കളക്ടർ ഓഫീസിലാണ് പരാതിയുമായി വയോധികൻ എത്തിയത്.  65000 രൂപയുടെ നിരോധിച്ച നോട്ടുകളാണ് വയോധികന്റെ കൈവശമുള്ളത്.

ചിന്നക്കണ്ണ് എന്നയാളാണ് അപേക്ഷയുമായി ജില്ലാ ഭരണകൂടത്തെ സമീപിച്ചത്. ഭിക്ഷാടനം നടത്തി ലഭിച്ച  തുകയാണ് അദ്ദേഹത്തിന്റെ കയ്യിലൂള്ളത്. കഴിഞ്ഞ നാല് വർഷമായി അസുഖ ബാധിതനായി കിടപ്പിലായിരുന്നു. ഇയടുത്താണ് സമ്പാദ്യത്തെ കുറിച്ച് ഓർമ വന്നത്. തന്റെ ജീവിതത്തിലുടനീളം ആകെ സമ്പാദിച്ച തുകയാണിതെന്നും വാർധക്യത്തിലേക്ക് ഇതുമാത്രമേ കരുതിയിട്ടുള്ളൂവെന്നും അദ്ദേഹം അപേക്ഷയിൽ പറയുന്നു.