ഉളിക്കൽ: കോവിഡ് 19 കാല ഘട്ടത്തിൽ KSFE ഇടപാടുകാർക്ക് അനുവദിച്ചിരുന്ന പലിശ ഇളവ് ആനുകൂല്യങ്ങൾ ജൂൺ 30 അവസാനിച്ചിരുന്നു. സാമ്പത്തിക പ്രതിസന്ധി രൂക്ഷം ആയിരിക്കുന്ന അവസ്ഥയിൽ ഉപഭോക്താക്കൾക്ക് ഏറെ പ്രയോജനകരമായി തീർന്ന പ്രസ്തുത ഇളവ് മൂന്ന് മാസത്തേക്ക് കൂട്ടി ഇടപാടുകാരെ സഹായിക്കണമെന്ന് കേരള കോൺഗ്രസ് (മാണി) ഉളിക്കൽ മണ്ഡലം കമ്മിറ്റി ആവശ്യപ്പെട്ടു. ചെയർമാൻ ജോസ് കെ മാണിക്ക് പിന്തുണ നൽകുവാൻ ചേർന്ന യോഗത്തിൽ വരുന്ന ത്രിതല പഞ്ചായത്ത് തിരഞ്ഞെടുപ്പിൽ 7 വാർഡുകളിൽ മത്സരിക്കുവാൻ തീരുമാനം എടുത്തു.
യോഗത്തിൽ മണ്ഡലം പ്രസിഡന്റ് അപ്പച്ചൻ കുബുക്കൽ അധ്യക്ഷത വഹിച്ചു. ജോളി പുതുശ്ശേരി, മാത്യൂ വടക്കേൽ, ഡോജു വരിക്കമാക്കൽ, ജോസഫ് പാറേമാക്കൽ,ജോമോൻ ആനിതോട്ടം, ബാബു കിഴക്കേടം എന്നിവർ സംസാരിച്ചു..
Post a Comment