ഇനി എസ്ബിഐ അക്കൗണ്ട് ഉടമകൾക്ക് എ ടി എം ചാർജ് നൽകേണ്ട. ഏത് ബാങ്കിന്റെ എടിഎമ്മിൽനിന്നും എത്രതവണവേണമെങ്കിലും ചാർജ് നൽകാതെ പണം പിൻവലിക്കാം.ജൂൺ 30വരെയാണ് നിരക്ക് പിൻവലിച്ചത്. ഏപ്രിൽ 15ന് ബാങ്കിന്റെ വെബ്സൈറ്റിലൂടെയാണ് വിവരം അറിയിച്ചിരിക്കുന്നത്. എടിഎം നിരക്കുകൾ നിശ്ചിത കാലത്തേയ്ക്ക് ഒഴിവാക്കണമെന്ന് ധനമന്ത്രി നിർമല സീതാരാമൻ നേരത്തെ ബാങ്കുകൾക്ക് നിർദേശം നൽകിയിരുന്നു. ഇതേതുടർന്നാണ് ബാങ്കിന്റെ നടപടി.
സാധാരണ സേവിങ്സ് ബാങ്ക് അക്കൗണ്ട് ഉടമകൾക്ക് സൗജന്യമായി എട്ട് എടിഎം ഇടപാടുകളാണ് ഇതുവരെ അനുവദിച്ചിരുന്നത്. മെട്രോ നഗരങ്ങളിലല്ലെങ്കിൽ പ്രത്യേക നിരക്കൊന്നും നൽകാതെ 10 സൗജന്യ ഇടപാടുകൾ നടത്താം. അതിനുമുകളിലുള്ള ഓരോ സാമ്പത്തിക ഇടപാടിനും 20 രൂപയും ജിഎസ്ടിയും സാമ്പത്തികേതര ഇടപാടിന് എട്ട് രൂപയും ജിഎസ്ടിയുമാണ് ഈടാക്കിയിരുന്നത്.എന്നാൽ ഇനി നിരക്കുകൾ ബാധകമല്ല.
കഴിഞ്ഞമാസം മുതൽ ബാങ്ക് മിനിമം ബാലൻസ് നിബന്ധന ഒഴിവാക്കിയിരുന്നു. എസ്എംഎസ് ചാർജും ഇതോടൊപ്പം എടുത്തുകളഞ്ഞിരുന്നു.
Post a Comment